Енергетска ефикасност e извршување иста или поголема количина активности со исто или помало количеството потрошена енергија (топлинска, електрична) и со помала емисија на јаглерод диоксид во атмосферата.

Што e обновлива енергија?

Обновлива енергија е енергијата која се обновува брзо преку природните процеси. Обновливи извори на енергија се сонце, ветер, вода, геотермална или биомаса. Предноста на овие ресурси е тоа што тие се во неограничени количини и нивното користење не ја загадува околината.

Што се постигнува со енергетско ефикасни инвестиции во Вашиот дом?

Се намалуваат трошоците за енергија
Поефикасно греење, ладење и заштеда на средства
Поквалитетен живот во Вашиот дом
Избегнување на ризичноста од разни болести предизвикани од материјали штетни по здравјето
Придонес за здрава животна средина со користење на обновливи извори на енергија и намалување на штетните влијанија кон околината

Зошто енергетско ефикасни инвестиции за Вашиот бизнис?

Намалување на потрошувачката на енергија, а со тоа и намалување на трошоците за енергија
Стекнување конкурентска предност со користење на енергетско ефикасни машини и опрема
Автоматизација на процесите во работењето
Поздрава работна околина
Поефикасно управување со ресурсите
Поврат на инвестицијата
Промена на навиките на однесување на вработените во насока на порационално користење ресурси

Што е ЕКО-кредит?

ЕКО кредитите се наменети за инвестиции во проекти кои имаат ефект заштеда на енергија, зголемување на енергетска ефикасност и намалено загадување на атмосферата со CO2. ЕКО кредитите можат да ги користат домаќинствата и бизнис секторот.

Што може да се финансира со ЕКО-кредитите?

Со ЕКО-кредитите може да се финансираат проекти како, на пример

Во станбени објекти или канцеларии:

Инвестиции во подобрување на изолацијата на веќе постоечки или нови објекти
Инсталација на нови прозорци и врати
Соларни панели за добивање топла санитарна вода
Фотонапонски панели за добивање електрична енергија
Централизирани системи за греење, ладење и вентилација
Ефикасно осветлување – поекономични светилки и системи за регулација на светлината
Промена на типот на гориво кое се користи
Електрични / хибридни автомобили

Во индустриски и земјоделски сектор:

Инвестиции во веќе постоечки и нови објекти кои ќе бидат енергетски ефикасни
Обнова на транспортни средства (електрични или хибридни возила)
Енергетско ефикасна опрема и машини за производство
Системи за автоматска регулација на греење, ладење, осветлување итн.
Обнова на воздушни компресори
Индустриски светлосни системи за заштеда на енергија
Земјоделска механизација со која се заштедува енергија и се постигнува поголема ефикасност во работењето (комбајни, берачи, мелачи, млинови, мотокултиватори и сл.)
Системи за наводнување во земјоделството
Користење обновливи извори на енергија
Обнова на градежна механизација со купување на нови машини
Системи за греење и одржување на температурата во пластеници и оранжерии, итн.

Што e енергетска ефикасност?

ЕЕ за Домаќинства

ЕЕ за Бизниси

ЕЕ Ознаки